Kisi Ki Muskurahaton Pe(Anari,Lyrics)

Song: Kisi Ki Muskurahaton Pe
Movie: ANARI (OLD)
Singer: MUKESH



(Kisiki muskuraahaton pe ho nisaar

Kisika dard mil sake to le udhaar

Kisike waaste ho tere dil mein pyaar

Jeena issi ka naam hai) -2



(Maana apni jeb se fakeer hain

Phir bhi yaaron dil ke ham ameer hain) -2

Mitte jo pyaar ke liye woh zindagi

Jale bahaar ke liye woh zindagi

Kisi ko ho na ho hamein to aitbaar

Jeena issi kaa naam hai



(Rishta dil se dil ke aitbaar ka

Zinda hai hameen se naam pyaar ka) -2

Ke mar ke bhi kisi ko yaad aayenge

Kisi ke aansuon mein muskuraayenge

Kahega phool har kali se baar baar

Jeena issi kaa naam hai

Kisiki muskuraahaton pe ho nisaar..

Waqt Nahi (Poetry)

(again some lines from unknown author)

Har khushi Hai Logon Ke Daman Mein,
Par Ek Hansi Ke Liye Waqt Nahi.
Din Raat Daudti Duniya Mein,
Zindagi Ke Liye Hi Waqt Nahi.

Maa Ki Loree Ka Ehsaas To Hai,
Par Maa Ko Maa Kehne Ka Waqt Nahi.
Saare Rishton Ko To Hum Maar Chuke,
Ab Unhe Dafnane Ka Bhi Waqt Nahi.

Saare Naam Mobile Mein Hain,
Par Dosti Ke Lye Waqt Nahi.
Gairon Ki Kya Baat Karen,
Jab Apno Ke Liye Hi Waqt Nahi.

Aankhon Me Hai Neend Badee,
Par Sone Ka Waqt Nahi.
Dil Hai Ghamon Se Bhara Hua,
Par Rone Ka Bhi Waqt Nahi .

Paison ki Daud Me Aise Daude,
Ki Thakne ka Bhi Waqt Nahi.
Paraye Ehsason Ki Kya Kadr Karein,
Jab Apane Sapno Ke Liye Hi Waqt Nahi.

Tu Hi Bata E Zindagi,
Iss Zindagi Ka Kya Hoga,
Ki Har Pal Marne Walon Ko,
Jeene Ke Liye Bhi Waqt Nahi.......

Wo Dekho Software Engineer Jaa Raha Hai(Poem)

[A tribute to all Software Engineers !!! ]

(I don't know who wrote it. I got it through a frowarded mail and liked it so I am putting it here)

Apne Project ke bojh tale daba jaa raha hai,
Wo dekho ek Software engineer ja raha hai,

zindagi se hara hua hai, par "Bugs" se haar nahi manata,
Apne application ki ek ek line ise rati hui hai,
par aaj kaun se rang ke moje pehne hain , ye nahi janata,
din par din ek excel file banata ja raha hai Wo dekho ek Software
engineer ja raha hai,

das hazaar line ke code main error dhoond lete hain lekin, majboor dost
ki ankhon ki nami dikhayi nahi deti,
pc pe hazaar windows khuli hain, par dil ki khidki pe koi dastak sunayi nahi deti,
satuday-sunday nahata nahi, week days ko naha raha hai,
Wo dekho ek Software engineer ja raha hai,

Coding karte karte pata hi nahi chala, bugs ki priority kab maa-baap se high ho gayi,
kitabon main gulab rakhne wala , cigerette ke dhuyen main kho gaya,
dil ki zameen se armaanon ki vidayi ho gayi,
weekends pe daroo peke jo jashna mana raha hai,
Wo dekho ek Software engineer ja raha hai,

maze lena ho iske to pooch lo,
"Salary Increment" ki party kab dila rahe ho,
hansi udana ho to pooch lo,
"Onsite" kab ja rahe ho?
wo dekho onsite se laute team-mate ki chocolates kha raha hai,
Wo dekho ek Software engineer ja raha hai,

kharche badh rahe hain, baal kam ho rahe hain,
KRA ki date ati nahi, Income Tax ke sitam ho rahe hain,
lo phir se bus choot gayi, Auto se aa raha hai,
Wo dekho ek Software engineer ja raha hai,

Pizza gale se nahi utarta, to "Coke" ke sahare nigal liya jata hai,
office ki "Thali" dekh munh hai bigadta,
maa ke hath ka wo khana baar roz yaad ata hai,
"Sprout bhel" bani hai phir bhi, free "Evening Snacks" kha raha hai,
Wo dekho ek Software engineer ja raha hai,

aapne ab tak li hongi bahut si chutikiya,
Software engg. ke jivan ka sach batati ye akhri kuch panktiyan,
hazaron ki tankhwah wala, company ki karodon ki jeb bharta hai,
software engg. wahi ban sakta hai, jo lohe ka jigar rakhta hai,
hum log jee jee ke marte hain , zindagi hai kuch aisi,
ek fauj ki naukri, doosri software engg. ki , dono ek jaisi,

is kavita ka har shabd dil ki gehrayi se aa raha hai,
Wo dekho ek Software engineer ja raha hai,